Download PDF
முகப்பு வாயில்



பொருட்பால் > கல்வி
133.
களர்நிலத் துப்பிறந்த உப்பினைச் சான்றோர்
 விளைநிலத்து நெல்லின் விழுமிதாக் கொள்வர்
 கடைநிலத்தோ ராயினும் கற்றறிந் தோரைத்
 தலைநிலத்து வைக்கப் படும்.

களர் நிலத்தில் உண்டான உப்பைச் சான்றோர், நல்ல நன்செய் நிலத்தில் விளைந்த நெல்லைவிட மேன்மையாகக் கருதுவர். அதுபோலக் கீழ்க்குடியிற் பிறந்தவர்களானாலும் கற்றறிந்தவராயின் அவர்களை மேலான குடியினும் உயர்ந்த இடத்தில் வைத்து மதித்தல் வேண்டும்.

134.
வைப்புழிக் கோட்படா வாய்த்தீயிற் கேடில்லை
 மிக்க சிறப்பின் அரசர்செறின் வவ்வார்
 எச்சம் எனஒருவன் மக்கட்குச் செய்வன
 விச்சைமற் றல்ல பிற.

வைத்த இடத்திலிருந்து (மனத்திலிருந்து) பிறரால் கவர்ந்து கொள்ள இயலாது; தமக்குக் கிடைத்துப் பிறருக்குக் கொடுத்தால் அழிவதில்லை; மேலான படை வலிமையையுடைய மன்னர் சினந்தாலும் கவர்ந்து கொள்ள முடியாது. ஆதலால், ஒருவன் தன் மக்கட்குப் 'செல்வம்' எனச் சேர்த்து வைக்கத்தக்கது கல்வியே; பிற அல்ல!

கல்வி
Previous Chaper 1 2 3 4 5 6 7 8 9 10 Next