Download PDF
முகப்பு வாயில்



பொருட்பால் > இன்பவியல் > அறிவுடைமை
243.
எந்நிலத்து வித்திடினும் காஞ்சிரங்காழ் தெங்காகாது
 எந்நாட் டவரும் சுவர்க்கம் புகுதலால்
 தன்னால்தாள் ஆகும் மறுமை வடதிசையும்
 கொன்னாளர் சாலப் பலர்.

எந்த நிலத்தில் விதைத்தாலும் எட்டி விதை தென்னை மரமாக வளராது; தென்னாட்டிலே பிறந்தவரும் நல்லறம் செய்து தேவர் உலகம் செல்வதால், ஒருவருக்குத் தம் முயற்சியாலேயே மறுமைப்பேறு கிடைக்குமேயன்றிப் பிறந்த இடத்தாலன்று. வட நாட்டில் பிறந்தவராயினும் நல்லற முயற்சியின்றி வீணாகக் காலத்தைக் கழித்து நரகம் புகுவார் மிகப் பலர். (தென்னாட்டை நரக பூமி என்றும் வடநாட்டைப் புண்ணிய பூமி என்றும் கூறுவர். ஆயினும், வித்தின் இயற்கையன்றி மரத்திற்கு நிலத்தின் இயற்கை இல்லாததுபோல, மறுமைப் பயன் அடைய அவரவர் செய்கையே காரணமாதலன்றித் திசையினால் ஒன்றும் இல்லை என்பது கருத்து).

244.
வேம்பின் இலையுள் கனியினும் வாழைதன்
 தீஞ்சுவை யாதும் தி¡¢யாதாம் ஆங்கே
 இனந்தீ தெனினும் இயல்புடையார் கேண்மை
 மனந்தீதாம் பக்கம் அ¡¢து.

வேம்பின் இலைகளிடையே வாழை பழுத்தாலும் அதன் இனிய சுவை சிறிதும் வேறுபடாது. அதுபோல, பண்புடையார் சேர்ந்த இனம் தீதாயினும் அதனால் அவர்கள் மனம் தீயதாகும் தன்மை இல்லை. (மனத் திண்மையுடையவர் தீயோர் சேர்க்கையால் குணம் மாறார் என்பது கருத்து).

அறிவுடைமை
Previous Chaper 1 2 3 4 5 6 7 8 9 10 Next