Download PDF
முகப்பு வாயில்



பொருட்பால் > துன்பவியல் > ஈயாமை
279.
இரவலர் கன்றாக ஈவார் ஆவாக
 விரகிற் சுரப்பதாம் வண்மை - விரகின்றி
 வல்லவர் ஊன்ற வடிஆபோல் வாய்வைத்துக்
 கொல்லச் சுரப்பதாங் கீழ்.

இரப்பவர் கன்றாக இருக்க, கொடுப்பவர் பசுவாக இருந்து அறிவுடன் கொடுப்பதே சிறந்த கொடையாம். அவ்வறிவு இல்லாமல், வல்லவர் கோலால் அடித்து வருத்த, பால் தரும் பசுவைப் போல, வல்லோர் பல சூழ்ச்சி செய்து வற்புறுத்தி வருத்திய பின் கொடுப்பது கீழ்மக்கள் இயல்பாகும். (ஒருவன் வெறுப்புடன் தருவது கொடையாகாது என்பது கருத்து).

280.
ஈட்டலும் துன்பம்மற் றீட்டிய ஒண்பொருளைக்
 காத்தலும் ஆங்கே கடுந்துன்பம் - காத்தல்
 குறைபடில் துன்பம் கெடில்துன்பம் துன்பக்கு
 உறைபதி மற்றைப் பொருள்.

பொருளைத் தேடுவதும் துன்பம்; தேடிய பொருளைக் காத்தலும் அவ்வாறே மிகுந்த துன்பம்; காக்கப்படும் பொருளில் சிறிது குறைந்தாலும் துன்பம்; அப்பொருள் முழுதும் அழிந்தால் மிகப் பெரும் துன்பம். ஆதலால் அந்தப் பொருள் துன்பத்துக்கெல்லாம் இருப்பிடமாகும். (பொருள் துன்பத்திற்குக் காரணமாக இருப்பதை அறிந்து, அதனை இன்பத்திற்கு உயா¢தாகச்செய்தல் வேண்டும் என்பது கருத்து).

ஈயாமை
Previous Chaper 1 2 3 4 5 6 7 8 9 10 Next